fbpx

Në raportin e KE-së janë identifikuar rekomandimet e projektit ACTION SEE dhe të “Metamorfozis” për Strategjinë për transparencë

-

Komisioni Evropian (КE) në raportin e shkurtë të cilin e publikoi të hënën, rekomandoi Bashkimi Evorpian (BЕ) të nis negociata me Maqedoninë e Veriut dhe me Shqipërinë për anëtarësim në Bashkimin, kurse ndër vërejtjet pozitive, KE-ja përmend që vendi ka ndërmarrë hapa të konsiderueshëm për fuqizimin e pavarësisë së gjyqësorit, e ka përmirësuar efektin në luftën kundër korrupsionit dhe krimit të organizuar, ndërsa ka arritur përparim edhe në reformat në shërbimet e zbulimit dhe në administratën publike, transmeton Meta.

Veçanërisht është theksuar edhe Strategjia për transparencë e Qeverisë së Republikës së Maqedonisë, që ka qenë një nga pikat kryesore të reformës në administratën publike.

Strategjia është rezultat i rekomandimeve të cilat rezultojnë nga Indeksi i hapjes, kurse Fondacioni “Metamorfozis” ka dhënë kontribut të madh në krijimin e saj nëpërmjet projektit ACTION SEE, të financuar nga Bashkimi Evropian, bashkë me mbështetje financiare dhe eksperte nga Fondacioni Shoqëri e Hapur – Maqedoni.

Në mini raportin e KE-së lëndë e skriningut plotësues kanë qenë reformat në gjyqësor, në sektorin e sigurisë dhe në administratën publike. Në lidhje me gjyqësorin, raporti i Komisionit Evropian vëren ritëm të përshpejtuar të implementimit të reformave.

Në favor të kësaj është edhe Ligji i ri për Prokurori Publike i cili për KE-në është garanci që do të sigurojë sundimin e të drejtës dhe që lëndët e PSP-së tërësisht do të përmbyllen me aktgjykime të plotfuqishme. Komisioni Evropian ka shënuar reforma pozitive edhe në sektorin e sigurisë dhe të inteligjencës ku theksohet ligji i ri, por edhe aktivizimi i Agjencisë Tekniko-Operative (ATO) dhe Agjencia për siguri nacionale (ASN). Në raport konstatohet që ekziston kapacitet i përforcuar mbikëqyrës mbi shërbimet, por edhe i Kuvendit ndaj sektorit të sigurisë. Në lidhje me reformat në administratën publike theksohen aktivitetet qeveritare për transparencë më të madhe të demonstruara me miratimin e Strategjisë për transparencë 2019-2021, por edhe me instalim të bazave të të dhënave për llogaridhënie më të madhe dhe përpjekjet për digjitalizim (e-portal) dhe lehtësim të qasjes së qytetarëve në shërbimet e institucioneve.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.