Informacioni që mbrëmë shpalli servisi botëror BBC, se shtetas nga Maqedonia disa ditë më parë është arrestuar në Gjermani me automobil përplot me armë, sot autoritet gjermane ekspres e përgënjeshtruan lajmin në fjalë.

Sipas policisë bavareze, i arrestuari i cili me automobilin e tij, të markës “golf” në bunker të fshehur ka transportuar një arsenal të tërë armësh, predha dhe lëndë shpërthyese, është nga Mali i Zi, kurse automobili ka qenë me tabelë regjistrimi nga ky vend.

Malazezi është arrestuar më 5 nëntor, tetë ditë para ngjarjes tragjike në Paris, në afërsi të qytetit Rozenhajm, në autostradën e cila shpie nga Gjermania drejt Austrisë. Në një kontroll rutinë, e cili praktikohet shumë në rajonin kufitar, sidomos pas rritjes së numrit të refugjatëve. Policët kanë zbuluar në dyshemenë e automobilit, kur ka pasur 8 pushkë automatike “kallashnikov ” dy predha dore, revolver dhe 200 gramë eksplozivë TNT.

Shoferi i automobilit është 51 vjeçar nga Mali i Zi, i cili në duart e hetuesve të Bavarisë tani për tani mbrohet me heshtje.