Edhe pse kishte shpresë të shkurtët se negociatat po afrohen kah fundi, sërish nuk njoftohen kurrfarë informacioni në godinën e KE-së në Bruksel ku në katin e 11-të zhvillohet bisedimet mes katër liderëve politik, Nikolla Gruevski, Zoran Zaev, Ali Ahmeti dhe Menduh Thaçi.
Jo-zyrtarisht vlerësohet se takimi mund të zgjat deri vonë ndërsa komisari Han anuloi vizitën e tij në Bosnjë, ku duhej të udhëtoj sonte.
Njoftimi zyrtar në faqen e Han është se vizita anulohet për shkak të situatës në Bosnjë e jo për shkak të bisedimeve me liderët e vendit. Sidoqoftë, situata e tillë ju mundëson më shumë kohë për negociata.
Burimet diplomatike thonë se bisedimet janë intensive dhe se nuk ka kohë as për drekë. Pritet të shihet a do të ketë darkë të përbashkët.
Ahmeti, Zaev, Gruevski dhe Thaçi bisedojnë ne euro- komisarin Johanes Han për daljen nga kriza politike në të cilën gjendet vendi më shumë se një vit e që u ashpërsua me publikimin e “bombave” gjegjësisht bisedat e përgjuara.
T.M