Policia çeke sot njoftoi se gjatë fundjavës persona të panjohur në veri të Kosovës kanë qëlluar ndaj makinës ku ka pasur policë gjerman dhe çek dhe se çdo gjë ka përfunduar pa të lënduar, por vetëm me xhama të thyera.
Persona të panjohur të dielën pasdite kanë hapur zjarr ndaj dy makinave të EULEX ku kanë qenë katër polic çek, një gjerman dhe përkthyesi i tyre.
“Dy makinat janë goditur në xhamin përpara. Po e vlerësojmë kalibrin e plumbave. Duke pasur parasysh dëmtimin, mund të supozojmë se bëhet fjalë për kalibër të vogël prej diku 9 mm- njoftoi zëdhënësja e policisë çeke, Jana Macalikova.
Hetimin rreth sulmit po e udhëheq EULEX në bashkëpunim me policinë lokale ndërsa Macalikova tha se motivi i sulmit ende nuk dihet, por ka mundësi të jetë tentim për vrasje.
Policët çek ndaj të cilëve është shtënë janë nga njësiti i ngarkuar për sigurimin e dëshmitarëve gjatë transportit, për konvojë dhe zyrtar të huaj.
