Ajri i ndotur në Manastir dhe të dhënat e tmerrshme të cilat drejtpërdrejtë reflektohen në shëndetin e banorëve të këtij qyteti, çdo ditë me nga një të sëmurë nga knaceri, nuk rrisin vetëdijen për një nivel më të lartë që të mundet që për këtë problem të ketë përgjegjësi më të madhe. Ky është njëri nga përfundimet nga tribuna e mbrëmshme me temë “Ambienti i pastër jetësor është e drejtë themelore e njeriut” e organizuar “Diversity Media”, në kuadër të projektit Diskutime Glokale.
– Manasitrasit akoma nuk kanë vetëdije të lartë për atë se ç’po ju ndodh. Manastirasit janë një mentalitet i veçantë dhe mendojnë se të tjerët duhet t’ua mbarojnë punën. Nëse qyteti 26 mijë amvisëri, kurse sipas onkologëve çdo ditë ka nga një të sëmurë të ri nga kanceri, pra çdo ditë në çdo të 71 familje sëmuret nga një anëtar me sëmundje të rëndë. Madje një statistikë kaq shqetësuese nuk na shtyn që ne si qytetarë të organizohemi të dalim në rrugë dhe menjëherë të kërkojmë masa konkrete për të parandaluar ndotjen e ajrit- tha gazetarja Aneta Bllazhevska.
Manastiri madje edhe 180 ditë në vit thith ajër përplot me pluhur të rrezikshëm i cili drejtpërdrejtë manifestohet në shëndetin e njeriut. Vitin e fundit shoqata qytetar “Për ne bëhet fjalë”, arriti që nxjerrë në rrugë mijëra qytetarë në protesta të qeta, duke kërkuar ajër të pastër për manasatirasit, por për shkurt kjo nismë u shua.
– Vetëdija qytetarëve ngadalë rritet, por arritëm te muri i cili është i padepërtueshëm. Në Komunën e Manastirit ekziston program për ambientin jetësor, mirëpo meqë se ky program nuk është populist kryetari i komunës sonë e ruan në sirtarë. Ja këtu është muri prej ku ne u tërhoqëm. Sepse kjo kërkon organizim më të madh dhe më të gjerë, e ne për këtë përgatitemi- tha Dushko Gruevski nga Shoqata qytetare “Për ne bëhet fjalë” („За нас се работи“).
Besa Tatetshi, eksperte e ekologjisë në Ministrinë e Ambientit Jetësor dhe Planifikimit Hapësinor, e cila punon në projektin për marrjen e lejes ekologjike A e integruar për REK- BItola , thotë se ministria kompetente nuk e fsheh se ndotësi më i madh i ajrit në Manastir ëshë Kombinati elektro- energjetik. Mirëpo, sipas saj presioni i opinionit për ndotjen ndaj ministrisë nuk është me ato përmasa me të cilat është vet problemi.
Në debat u përfshinë edhe vetë qytetarët duke kritikuar se si është e mundur në një qytet ku ndotja e ajrit është në nivel ekstrem, komuna nga buxheti i saj të ndajë vetëm 10 mijë euro për projekt ekologjik, kurse 50 mijë euro të investojë për dekorimin dhe mbindërtimin e urave metalike.
