Pas protestës kundër ndërtimit të xhamive në Kriva Pallankë, është demoluar një objekt fetar ku ritet fetare i kryenin myslimanët, për çka SPB Kumanovë ka ngritur procedurë për hetimin e rastit.
“Rreth orës 18.30, kur në objekt nuk ka pasur askush, prej disa personave të panjohur deri tani është kryer demolim dhe dëmtim të objektit. Policia ka dalë në vendngjarje dhe pas autorizimit të Prokurorit publik është kryer ekspertizë, pas çka është konstatuar dëmtim të tetë dritareve dhe një pjese të inventarit. Nga ana e nëpunësve policor janë ndërmarrë të gjitha masat operativo- taktike dhe është kontrolluar rrethi më i gjerë dhe janë marrë të dhëna nga anketa e kryer mbi rreth 40 personave të cilët jetojnë dhe punojnë në këtë pjesë të vendit” njoftojnë nga MPB.
BFI dhe myftinia e Kumanovës dënuan aktin dhe kërkojnë që organet kompetente t’i gjejnë me urgjencë autorët e këtij akti. Ata gjithashtu dënuan aktin e përhapjes së mos- tolerancës fetare që i thellon ngërçet ndër-etnike në Maqedoni.
