Incidenti në Gushincë në kufirin maqedonas tregon se në këtë pjesë të Ballkanit edhe më tutje ekzistojnë tensione të thella etnike dhe vend për konflikte potenciale. Kështu qëndron në reagimin e Ministrisë së Punëve të Jashtme të Rusisë për incidentin në Gushincë.
“Shprehim shqetësimin tonë të thellë pas informative për incidentin në pjesën kosovare të kufirit Maqedoni-Serbi kur një grup i personave të armatosur e kanë marrë pjesën e kufirit në Gushincë në pjesën e territorit maqedonas.Incidenti në kufirin maqedonas tregon se në këtë pjesë të Ballkanit edhe më tutje ekzistojnë tensione të thella etnike dhe vend për konflikte potenciale. Në këtë situatë ndikim primar ka mungesa serioze e sundimit të ligjit dhe sigurisë në Kosovë, që është pasojë e problemit të pazgjidhur të Kosovës si tërësi. Kjo nuk mund të injorohet më shumë si dhe parrullat e shpeshta të Shqipëri të Madhe. Shpresojmë se përpjekjet e organeve shtetërore maqedonase do ta kthejnë rendin në rajonin problematik të këtij vendi dhe do ta fitojnë mbështetjen e duhur ndërkombëtare”, thuhet në reagimin e MPJ-së ruse.
