fbpx

Ministria e Transportit po kërkon fonde nga BE për studim për të ndërtuar hekurudhë deri tek Aeroporti i Shkupit

-

Ministria e Transportit dhe Lidhjeve e ka parashtruar për shqyrtim planin e investimit për përgatitjen e një studimi për ndërtimin e një linje hekurudhore për në Aeroportin ndërkombëtar të Shkupit në kuadër të programit të ri IPA III, që duhet të shqyrtohet nga Delegacioni i Bashkimit Evropian, informon “Meta.mk” nga kjo ministri.

Kjo lëvizje vjen pas treni deri në aeroport hyri si projekt në Programin e punës së Qeverisë për periudhën 2020-2024, ndërsa më parë projekti u përfshi në Strategjinë kombëtare të transportit për periudhën 2018-2030. Dega e re hekurudhore do të ndërtohej në pjesën nga stacioni hekurudhor Milladinovc deri në ndërtesën e terminalit të aeroportit, me një gjatësi prej rreth 5 km.

Realizimi i këtij projekti të infrastrukturës do të mundësonte krijimin e një lidhje direkte me një tren nga Qendra e Transportit në qendër të Shkupit për në aeroport. “Meta.mk” vitin e kaluar publikoi një sërë artikujsh, në të cilat vinte në pah se treni i aeroportit mund të jetë transporti më i shpejtë, më i lirë dhe më i rehatshëm për qytetarët që udhëtojnë nga dhe në aeroportin e Shkupit. Në të njëjtën kohë, kjo linjë hekurudhore mund të përdoret si hekurudhë qytet-periferi për popullsinë e komunave të Petrovec, Ilinden dhe Gazi Baba, por edhe nga numri në rritje i qytetarëve të punësuar në zonat industriale përreth aeroportit.

Në Strategjinë kombëtare të transportit për periudhën 2018-2030 vlerësohet se ndërtimi i trenit për në aeroport do të kushtonte rreth 30 milionë euro. Këto fonde do të nevojiteshin për ndërtimin e hekurudhës në aeroport, si dhe për një stacion të ri hekurudhor në ndërtesën e terminalit, pa fondet që do të nevojiteshin për të blerë trenat e rinj.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.