Sot do të ketë vazhdim të ri të seancës konstituive të Kuvendit, ku deputetët duhet të debatojnë për emërimin e anëtarëve dhe kryetarit të Komisionit për emërime dhe zgjedhje si dhe emërimin e kryetarit të Kuvendit.

Sipas njoftimeve partiake, nuk pritet të ketë ndryshime dhe do të ndodh skenari i deritashëm me replika dhe kundër- replika.

Pas festave të Pashkëve, nuk ka shumë shpresë se do të ketë epilog.

Nga VMRO DPMNE para seancës porositën se “populli ka lexuar dhe kundërshton LSD-në, doli në rrugë dhe më shumë se 50 ditë pa ndalë po dëshmon se interesat shtetërore dhe nacionale nuk janë në shitje”.

Ndërsa nga LSDM sërish deklaruan se “shumica legjitime parlamentare prej 67 deputetë të zgjedhur nga më shumë se 700.000 qytetarë, së shpejti do të zgjedh kryetarin e Kuvendit e më pas edhe qeverinë e re, sipas Kushtetutës, Rregullores dhe ligjeve”.