Komisioni Evropian sot konfirmoi se euro- komisari për zgjerim dhe politikë fqinjësore, Johanes Han këtë muaj do të vij në Shkup. Edhe pse s’ka datë të saktë kur mund të ndodh kjo, megjithatë mediumet vlerësojnë se datat më të mundshme janë 14 dhe 15 janari.
Por, është e paqartë se kush do ta pret Hanin në Shkup, Nikolla Gruevski kryeministri apo Nikolla Gruevski kreu i VMRO DPMNE-së nëse realizohen parashikimet e liderit të BDI-së, Ali ahmeti se kryeministri do të jep dorëheqje më 10 janar.
Edhe vet Gruevski dje njoftoi se do të jep dorëheqje para 15 janarit.
“Në përputhje me marrëveshjen, më 15 janar do të përzgjidhet qeveri e re me kryetar për organizimin e zgjedhjeve. Më herët kuptohet do të jap dorëheqje” deklaroi Gruevski.
Në Marrëveshjen e Përzhinos saktë parashihet se kryeministri do të tërhiqet nga posti 100 ditë para zgjedhjeve parlamentare, që do të mbahen më 24 prill të këtij viti ndërsa qeveria e re duhet të inaugurohet më 15 janar.
