Komisioni Shtetëror Zgjedhor (KSHZ) i Maqedonisë duhet që të filloj sot me procedurën e shumëpritur të pastrimit të listave zgjedhore, njofton Telegrafi.
Kjo procedurë pritet që të zgjatë deri tre ditë, e më pastaj, siç informon KSHZ-ja, do të filloj verifikimi në teren. Arsyeja e vonimit të kësaj procedure ka qenë unifikimi i të dhënave të marra nga 10 institucione të ndryshme të vendit.
“Prej nesër duhet të fillojmë me kryqëzimin e të dhënave dhe më pas do t’i shqyrtojmë emrat kontestues. Bëjmë çmos që të përfundojmë punën tonë sepse kemi datë të caktuar deri kur duhet të përgatitemi” thotë Jakupi.
Kombinimin e të dhënave do ta kryejnë tre kompani IT, prej të cilave dy nga Maqedonia dhe një nga SHBA-të.
Për momentin në listën zgjedhore janë regjistruar 1.804.000 votues, por shifra e saktë do të dihet pas pastrimit të listave.
