Anëtarët e KSHZ-së në seancën e djeshme kanë miratuar vendim gjatë krahasimit të kryqëzuar të të dhënave për pastrimin e listës së zgjedhësve që të përdoren bazat e 13 institucioneve. Në mesin e tyre janë Fondi i sigurimit shëndetësisë, FSPI, DAP, Banka Popullore, Agjencia e kadastrës, Ministria e punës dhe politikës sociale.
Megjithatë, sipas anëtarëve të këtij institucioni, ka edhe shumë punë që të mund të thuhet se ka zgjedhje korrekte me listë të pastruar zgjedhore.
Siç njoftojnë ata, KSHZ edhe më tej s’ka rregullore për përditësim, që praktikisht nuk lejon as ky proces të filloj e aq më pak të konfirmohen afatet për kryqëzimin e bazave të të dhënave të votuesve si dhe të zbatohet kontrolli në terren. Për përditësimin e të dhënave nevojitet softuer, që për momentin KSHZ nuk e ka.
Tek tani pritet të porositet softueri i cli duhet të “plotësohet” me të dhëna që të mund t’i realizoj me ato të institucioneve që posedojnë me të dhëna të tilla, me çka do të shkoj ndoshta më shumë se 1 muaj, dhe madje pas kësaj të filloj operacion për pastrimin e listave të zgjedhësve.
Me rregullat e reja, KSHZ bëhet institucioni i vetëm kompetent për udhëheqjen e listës së zgjedhësve, që prej tani duhet të përditësohet njëherë në muaj.
