KSHZ sonte njëzëri hodhi poshtë ankesën e LSDM që kishte të bëje me procedurën për verifikimin e rezultateve nga votimi në vendvotimin 2016 ndërsa ankesa e fundit e LSDM-së sipas Komisionit do të shqyrtohet nesër, në seancën e caktuar për orën 11.
“Ju kumtojmë se KSHZ do të punojnë në përgatitjen tanimë vendimeve të miratuara që të mundet të njëjtat menjëherë të dorëzohen ndërsa ankesën e fundit do ta shqyrtojmë nesër, në seancën e caktuar për orën 11” tha Çiçakovski.
Lidhur me ankesën e LSDM-së në vendvotimin 2016, KSHZ në seancën e sotme solli vendim që të kryhet shqyrtim i materiali të plotë zgjedhor nga vendvotimi, pas çka anëtarët e Komisionit hapën thesin me fletëvotimet dhe i numëruan votat. Numërimi tregoi se numri i votave plotësisht përputhet me atë që është shkruar në procesverbalin e vendvotimit.
Koalicioni në krye me LSDM-në deri në KSHZ dorëzoi gjithsej tetë ankesa për rrjedhën e procesit zgjedhor. Prej tyre, pesë u refuzuan nga KSHZ ndërsa dy u tërhoqën nga përfaqësuesi zyrtar i LSDM dhe Koalicionit në fillim të seancës së sotme. Nesër anëtarët e KSHZ-së duhet të prononcohen për ankesat e LSDM-së për vendvotimin 2011 në Tearcë, në NJZ 6.