Kryeministri Nikolla Gruevski sot paralajmëroi dy investime të reja të huaja që pritet të realizohen deri në fund të muajit.
Në fillimin e punëve ndërtimore për vazhdimin dhe ndërtimin e bulevardit, Gruevski tha se dy fabrikat e reja do të punësojnë të paktën 500 qytetarë.
“Kap-kon” së shpejti do të hap fabrikë. Bëhet fjalë për kompani globale amerikane nga industria e automobilistikës. Ata janë të gatshëm dhe së shpejti do të fillojnë me prodhimtari. Investimi i dytë është fabrika e dytë e kompanisë italiane “Teknohoze”, katër herë më e madhe se e para, që është në përfundim e sipër. Tanimë kanë filluar me prodhimtari testi dhe së shpejti do të hapin fabrikën e tyre të re. Këto dy fabrika do të punësojnë të paktën 500 persona- deklaroi Gruevski duke shtuar se gjatë muajit ka mundësi të zyrtarizohet hyrja e edhe një kompanie globale amerikane.
