Kongresi i VMRO- DPMNE-së i cili u paralajmërua në 9 maj, është zhvendosur për një javë më parë” për shkak të strategjisë dhe shkaqeve të sigurisë”, mëson “Meta”.
Nga VMRO- DPMNE-ja zyrtarisht mohojnë se zhvendosja e kongresit për 2 dh 3 maj lidhet me protestën e paralajmëruar nga opozita.
– Për datën mbajtjes së kongresit vendos Këshilli Qendror. Mbajtja e tij nuk ka asnjë lidhje me protestat e paralajmëruara të opozitës- deklaroi Aleksandar Biçikliski nga VMRO- DPMNE.
Pesëmbëdhjetë kongrese partiake të VMRO DPMNE do të mbahen më 2 dhe 3 maj në Kumanovë ndërsa në të do të marrin pjesë 560 delegat të zgjedhur në baza të ndryshme. Në këtë kongres pritet të emërohet kryetari i partisë ndërsa afati për dorëzimin e kandidaturës është deri të premten deri në orën 15 në selinë e partisë së VMRO DPMNE-së në Shkup.
“Procedura për emërimin e kryetarit është e njohur në opinion sepse në këtë mënyrë e kemi emëruar disa herë me radhë. Të paktën 30 delegat në Kongres, në përputhje me rregulloren kanë të drejtë të propozojnë kandidat për kryetar. Votimi është i fshehtë dhe votojnë të gjithë delegatët prezent, pa përjashtim. Ai që do të fitojë më shumë vota do të jetë kryetar i partisë në katër vitet e ardhshëm”, tha anëtari i Komitetit ekzekutiv të VMRO DPMNE, Ilija Dimovski, në lajmet e televizionit Kanal 5.
