Ministritë dhe organet tjera administrative me kapacitet të plotë t’i përmbushin obligimet e veta, kërkojnë kompanitë maqedonase.
Nga Oda ekonomike e Maqedonisë informojnë se kriza afatgjate politike ka shkaktuar ngecje të caktuara në procedurat administrative të kompanive para organeve shtetërore.
– Bashkësia afariste bën të ditur në nevojën e veprimit të përgjegjshëm dhe të azhurnuar të të gjitha organeve kompetente, lidhur me dhënien e aprovimeve të caktuara, lejeve, pëlqimeve ose dokumenteve tjera të nevojshme që janë në funksion të zhvillimit të papenguar të biznesit. Qëndrim i përgjithshëm i bashkësisë afariste është se në organe të caktuara administrative ka kërkesa të pazakonshme për dokumente plotësuese (që i kanë te ata) dhe ka ngecje të paarsyeshme në procedurat – deklaroi drejtoresha e Drejtorisë së shoqatave sipas veprimtarive të Odës ekonomike, Biljana Peeva – Gjuriq.
Kjo gjendje është konstatuar gjatë zbatimin të anketës në mesin e kompanive në periudhë prej 19 deri 22 prill.
Për ndihmë në këtë drejtim, Oda Ekonomike formoi zyrë operative ku kompanitë do të mund t’i drejtohen për ndihmë në zbatimin e procedurave para organeve kompetente shtetërore për realizimin me kohë, efikas dhe të azhurnuar të interesave dhe të drejtave të tyre.
– Oda Ekonomike formoi ekip që do të punojë lidhur me kërkesën e parashtruar nga kompanitë, për ndihmë dhe për mbështetje në komunikimin dhe në zbatimin e procedurave administrative para Ministrive dhe organeve tjera administrative – informoi Peeva-Gjuriq.
Zyra filloi punën prej sot.
