fbpx

Ku ngeci shlyerja e borxheve: Nga 42 000 kërkesa vetëm 200 zgjidhje

-

Qëkur më 1 nëntor në Veles u ndanë 200 vendimet e para për shlyerje të borxheve të qytetarëve të kategorive të ndjeshme, deri sot nuk janë ndarë të tjera, reagojnë qytetarët. Sipas tyre edhepse ministri për financa Zoran Stavreski, premtoi se i gjithë procesi për këtë masë të Qeverisë do të përfundojë më së voni deri 25 nëntor, edhepse kanë bërë kërkesë, gjer më tani nuk kanë marrë asnjë përgjigje. -Qysh në fillim, kur ishte paralajmëruar masa, shtrova kërkesë për shlyerje të borxhit ndaj bankës në përputhje me kushtet, për shkak të sëmundjes. I bashkangjita të gjitha dokumentet e nevojshme dhe që kërkoheshin, por edhe në ditën e sotme nuk kam marrë asnjë përgjigje. Mendoj se deri edhe nëse jam refuzuar, duhet të marr ndonjë lajmërim që të mos jetoj me shpresë-thotë për “Meta” banor i lagjes së Shkupit Miçurin, i cili dokumentat i ka dorëzuar në Qendrën ndërkomunale të punës sociale në komunën Aerodrom. Ministri i financave, Zoran Stavreski, për ndarjen e 200 vendimeve të para në Veles, theksoi se janë përpunuar të gjitha vendimet që mundej të mbaroheshin dhe kështu do të vazhdohej gjatë nëntorit. -Pres që gjatë nëntorit të përmbyllet procesi dhe në fund të nëntorit të gjithë qytetarët që plotësojnë kushtet ligjore, e këta janë kategoritë më të varfëra të qytetarëve, të marrin vendime për shlyerje të borxhit-shtoi Stavreski. Parashtirimi i kërkesave për shlyerje të borxheve filloi më 18 gusht, ndërsa afati i fundit ishte 13 tetori. Ishin ftuar të gjithë qytetarët e Republikës së Maqedonsë të shlyejnë borxhet për kartelat kreditore, tejkalimin e llogarive të transakcionit ndaj bankave afariste dhe kursimoreve, si dhe borxhet të energjisë elektrike ndaj EVN-së, energjisë së ngrohjes ndaj “Ngrohtores” dhe për taksën radiodifuzive ndaj MRTV-së, nëse i plotësojnë kushtet sipas shpalljes.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.