Bashkësia Fetare Islame sot doli me reagimin ku kategorikisht thotë se dhuna nuk është pjesë e islamit, duke aluduar në sulmin terrorist të redaksisë së magazinës satirike “Charlie Hebdo”, ku 10 gazetarë dhe dy policë u vranë.
“Me hidhërim të madh morëm lajmin për sulmin terrorist në Paris, Francë. Sekretet i di vetëm Allahu i madhërishëm, por siç thuhej në opinion, në bazë të parimeve islame, ne dënojmë këtë akt , sepse është larg parimeve dhe mësimeve të islamit, të cilën burojnë nga Kurani. Prandaj, ne ashpër i dënojmë këto dukuri dhe ftojmë të gjithë kriminelët pa dallim të ngjyrës, kombit, religjionit të dalin para drejtësisë, sepse jemi të bindur se nuk ka religjion në botë që arsyeton këto aksione. Gjithashtu, familjeve të viktimave dhe të gjithë popullit iu shprehim ngushëllime të sinqerta”, thuhet në reagimin e BFI-së.
