Presidenti Gjorgje Ivanov në fjalimin e tij të vitit të ri i porositi qytetarët që t’u përkushtojnë dashuri dhe kujdes familjeve, fëmijëve, fqinjëve dhe miqve, të jenë solidar ndaj të sëmurëve, të dobëtëve dhe ndaj atyre që kanë nevojë për mbështetje dhe ndihmë. Gjithashtu, uroi që të gjithë të jemi rojtarë të sigurisë.
“Kemi përgjegjësi historike para paraardhësve tanë që t’u lëmë një Maqedoni më të fortë dhe më të suksesshme. Për këtë, të bashkuar me ndjenjë për shtetësi dhe sovranitet, të vazhdojmë të ndërtojmë Maqedoni me vlerat dhe standardet më të larta evropiane. Të vazhdojmë të ndërtojmë shoqëri të drejtë e bazuar në paqe, liri dhe vërtetësi. Të falim. Të jemi këmbëngulës dhe të durueshëm dhe të garojmë në mirësi. Festat që vijnë shpresojmë në familje të sjellin lumturi, dashuri dhe fat” porositi Ivanov.
