BFI për myfti të ri të Shkupit e emëroi Rexhep Jusufin. Anëtarët e shkarkuar të Myftinisë së Shkupit akuzojnë kryetarin e Bashkësisë Islame, Sulejman Rexhepi se këtë e ka bërë në mënyrë joligjore.
“Nuk është zgjedhur, ai është emëruar nga Sulejman Rexhepi, pa vullnetin e tij. Në komunikim e sipër me Rexhep Jusufin, vet më tha se është detyruar ta pranoj këtë”, tha myftiu i shkarkuar i Shkupit, Ibrahim Shabani.
Sipas Shabanit dhe anëtarëve tjerë të shkarkuar, emërimi ka ndodhur në takim të fshehtë të enjten, ku kanë marrë pjesë vetëm pesë nga gjithsej15 anëtarë të Myftinisë së Shmupit.
Të shkarkuar thanë se drejtësinë do ta kërkojnë në gjykatë ndërsa për javën e ardhshme paralajmërojmë protesta të vazhdueshme.
“Duke pasur parasysh se vazhdimisht kemi presione të mëdha nga besimtarët, është formuar këshill iniciativ i cili do të jetë i ngarkuar për koordinimin e protestave të përditshme, që do të kenë një synim- t’i thonë STOP të keqes më të madhe të fesë islame në vend, e ajo e keqe është Sulejman Rexhepi, njoftoi ish sekretari i kësaj Myftinie, Skender Buzaku.
