Human Rights Watch: Maqedonia të ndërpresë me dhunën ndaj emigrantëve

Autoritetet maqedonase duhet menjëherë të ndërpresin dhunën ndaj emigrantëve në  kufirin jugor me Greqinë, informoi Human Rights Watch (HRW)

Kjo organizatë u apeloi autoriteteve të hetojnë përdorimin e djeshëm të shok- bombave, gazit lotsjellës dhe plumbave të gomës, një ditë pas shpalljes së gjendjes së jashtëzakonshme  dhe mbylljen e kufijve. Nga HRW gjithashtu kërkojnë që personat që kanë përdorur dhunë dhe të paligjshme, duke përfshirë edhe ata me zinxhirë të komandës  kompetente, të mbajnë përgjegjësi.

Këto janë akuza serioze për  tejkalimin  e dhunës së ushtruar nga policia maqedonase ndaj personave që kërkojnë mbrojtje. Autoritetet maqedonase duhet t’i mbrojnë emigrantët, duke përfshirë fëmijët dhe të gjithë ata të cilët ikin nga lufta dhe përndjekja, e jo t’i jap dritë jeshile policisë  dhe ajo të hap zjarr ndaj tyre- thotë Emina Çerimoviq, bashkëpunëtore shkencore në “Human Rights Watch”.

Reagimi i HRW  pasoi menjëherë pas raportimeve, fotografive dhe filmimeve të organizatave lokale humanitare, të Mjekëve pa kufij dhe mediave se policia maqedonase ka gjuajtur me plumba gome, gazë lotsjellës dhe shok- bomba ndaj 3000 emigrantëve të cilët kanë tentuar  nga Greqia të hynë në Maqedoni.

Më tej thuhet se kushdo që ka përdorur forcë të tepruar dhe ka shkelur ligjin, duke përfshirë të gjithë përfaqësuesit e lartë të cilët janë përgjegjës për veprimin e policisë duhet të jep përgjegjësi, thonë nga Human Rights Watch.