Ministri kosovar i punëve të jashtme, Hashim Thaçi i cili sot në Shkup u takua me shefin e diplomacisë maqedonase, Nikolla Poposki, deklaroi se Shkupi dhe Athina mund të përdorin modelin dhe përpjekjet që Prishtina dhe Beogradi i bëjnë për tejkalimin e kontesteve të ndërsjella.
-Kosova angazhohet për rajon të qëndrueshëm dhe të qetë, me perspektivë të qartë evropiane. Maqedonia ishte një ndër vendet e para që njohu Kosovën dhe ne jemi falënderues për këtë. Qëllimi i Kosovës është anëtarësimi në NATO dhe BE dhe pikërisht për këtë Kosova ofron mbështetje ndaj euro- integrimeve të Maqedonisë ndërsa ofrojmë mbështetje edhe për gjetjen e zgjidhjes për kontestin mes Maqedonisë dhe Greqisë. Si model për këtë mund të shërbejnë përpjekjet që i bëjnë Prishtina dhe Beogradi ndërsa për të arritur këtë marrëveshje, thjeshtë, duhet kontestet e vjetra të lihen në të kaluarën dhe të shikohet kah ardhmëria- deklaroi Thaçi.
Ministri i punëve të jashtme, Nikolla Poposki porositi se Maqedonia dhe Kosova kanë marrëdhënie të shkëlqyeshme dypalëshe dhe se të dy palët për momentin punojnë në disa projekte të përbashkëta.
