Euro- komisari për zgjerim, Johanes Han sot në fjalimin e tij para Kuvendit parlamentar të Këshillit të Evropës i paralajmëroi vendet- kandidate për anëtarësi në BE se “nuk ka bisedime për sundimin e të së drejtës sepse kjo patjetër duhet të zbatohet pa pengesa”.
I pyetur për situatën politike në Maqedoni pas zgjedhjeve të parakohshme parlamentare, Han shpreson se së shpejti do të formohet qeveri e re dhe se vendi do të mund t’i filloj bisedimet për anëtarësi.
“Shpresoj që së shpejti do të formohet qeveria e re, e mbështetur nga shumica që të vazhdoj të hap perspektiva evropiane që vendi të mund t’ filloj bisedimet për anëtarësi dhe kapitujt për bisedime një nga një. Por, për këtë duhet plotësuar disa kushte. Kjo do të jetë e mundshme vetëm nëse ka shumicë të zgjeruar parlamentare e cila do ta mbështes qeverinë. Vetëm atëherë mund të miratohen masat e nevojshme”, tha Han.
