Pas protestave që dy ditë me radhë po mbahen ndaj vendimit të presidentit Gjorgje Ivanov që të fal politikanë të përfshirë në krime, në Tuiter u prononcua euro- komisari për zgjerim dhe politikë fqinjësore, Johanes Han i cili porositi qytetarët të jenë të arsyeshëm dhe të distancohen nga dhuna.
“Thirrje për partitë politike dhe qytetarët e arsyeshëm që të përmbahen nga veprime të dhunshme. Kriza mund të zgjidhet në mënyrë politike. Përgjegjësia e partive politike është që të kthehen sërish në tryezën e bisedimeve” tha Han në profilin e tij në Tuiter.
#Skopje: "Call upon all political parties and responsible citizens to refrain from acts of violence" 1/2
— Johannes Hahn (@JHahnEU) April 13, 2016
"Crisis can only be solved by political means. Responsibility of political parties to return to negotiation table" 2/2
— Johannes Hahn (@JHahnEU) April 13, 2016
Euro- komisari Han në Tuiter shkroi se vendimi i Ivanov është në kundërshtim me sundimin e të drejtës dhe shprehi pesimizëm nëse mund të ketë zgjedhje të besueshme dhe demokratike.