Aspiratat për në BE janë ende gjallë dhe hapat e ndërmarrë janë shenjë se ato po mbahen ende në jetë, tha komisari për zgjerim Johanes Han në konferencën e sotme për shtyp që u mbajt pas seancës plenare për bisedime para- aderuese në nivel të lartë (HLAD).
Han ju uroi partive politike firmosjen e marrëveshjen dhe për ndërmarrjen e obligimeve që dalin prej tij, kthimin e opozitës në Kuvend dhe për emërimin e prokurorit special publik deri në datën e dakorduar.
Han shtoi se ngel të zbatohen pikat tjera mes të cilave edhe kodi zgjedhor e që pritet të votohen deri më 6 tetor.
“Kisha rastin të takohem me liderët e partive politike dhe të bisedojmë për reformat. Të gjithë liderët thanë se duhet të mbahet deri në fund të prillit dhe duhet të zbatohet sipas standardeve të BE-së, duke shprehur shpresë se marrëveshja e re për kodin zgjedhor do të merret më herët e jo në momentin e fundit.
Kryeministri Nikolla Gruevski, në konferencën e përbashkët për shtyp me euro- komisarin tha se kanë pasur bisedime të suksesshme.
“Fillimi i bisedimeve me BE-në është qëllimi fillestar i RM-së. Në periudhën e kaluar kishim avancim të dukshëm në zbatimin e asaj që e arritëm. U emërua prokurori publik, opozita u kthye në Kuvend e me këtë edhe dialogu nëpër institucione” tha Gruevski.