Do të merrja pjesë në takim liderësh, por më herët duhet ta di temën dhe planin e takimit- deklaroi kreu i VMRO DPMNE-së, Nikolla Gruevski në promovimin e titujve të librave në bibliotekën “1000 Libra” në QTQ Shkup. Ai përsëriti se në partinë e tij nuk janë kundër mbajtjes së takimeve të liderëve dhe se deri më tani kanë marrë pjesë në shumë takime të tilla, ku një pjesë vet ata kanë iniciuar.
“Do të kisha marrë pjesë në takim liderësh, por duhet paraprakisht ta dijë temën dhe planin për takim. Ne nuk jemi kundër mbajtjes së takimeve mes liderëve. Deri tash askush nuk na ka kontaktuar për takim”, deklaroi Gruevski.
Ai shtoi se për momentin nuk ka kurrfarë nisme e as temë për mbajtjen e takimit të liderëve.
