“Fjalët se ne jemi nacionalistë nuk janë të vërteta”, ka deklaruar lideri i VMRO DPMNE-së Nikolla Gruevski, në pjesën e dytë të “mega- intervistës” për edicionin elektronik të javores “Republika”. Lidhur me atë nëse VMRO DPMNE dhe kreu i saj janë nacionalistë ose jo, i dedikohet pjesa më e madhe e intervistës, ku Gruevski bën dallim mes nacionalizmit dhe shovinizmit dhe thotë se “Sorosi dhe të tjerët në mënyrë të padrejtë ndajnë etiketa për shovinizëm në qeveri dhe partisë që janë multietnike, në vend ku ka bashkëjetesë dhe tolerancë”.
Ai thotë se vitet e kaluar siç ka luftuar për maqedonasit kur kanë qenë në telashe, ashtu ka luftuar edhe për shqiptarët dhe asnjëherë nuk i ka ndarë, ndërsa çdo gjë tjetër është “gënjeshtar dhe propagandë e pistë e personave të paaftë”.
Në intervistë ai flet edhe për takimin me Xhorxh Sorosin para disa viteve në Pragë, i cili siç thotë ai, ka qenë i shkurtë dhe ka zgjatur 15-20 minuta dhe ka qenë në suazat e konferencës për Dekadën e Romëve.
