“Maqedonia është e sigurt si pjesa tjetër e Evropës. Ne jemi të gjithë në të njëjtën shportë dhe për këtë arsye kërkon një përgjigje të përbashkët në luftën kundër terrorizmit”, deklaroi kryeministri Nikolla Gruevski në një intervistë për portalin “Pres 24”.
“Ne nuk duhet të lejojmë këto kërcënime të ndryshojnë jetën tonë në atë masë që të na paralizojë në aktivitetet tona, por ne nuk duhet të nënvlerësojmë këtë,” tha Gruevski.
Për akuzat për letërnjoftimet e falsifikuara, kryeministri pohoi se ato nuk janë përdorur as në proces zgjedhor e as në ndonjë rast tjetër, dalje nga kufijtë apo të ngjashme.
– Së pari, e vërteta doli në dritë dhe nuk është çudi që Oliver Spasovski heshte dhe nuk dha përgjigje për këtë pyetje kohë të gjatë pas thirrjeve tona. U pa se diçka është fshehur. Së dyti, kush do të mbaj përgjegjësi për këtë? Hetimi duhet të shkoj deri në fund, përndryshe ju do të konsiderohet se Zaev, LSDM dhe Spasovski kanë fshehur diçka. Ku janë 30.000 letërnjoftime? Ku? Si është kur dikush akuzon për diçka dhe pastaj kur ata kapen se kanë gënjyer, heshtin? Sipas asaj që kam kuptuar, është treguar se asnjë nga këto 105 letërnjoftime, përsëris 105 letërnjoftime, jo 30.000, që do të thotë asnjë nuk është lëshuar në qarkullim. Do të thotë, hetimi duhet të shkoj deri në fund dhe të kapet personi që e ka bërë këtë – tha Gruevski në intervistë.
Për akuzat e blerjes së fshehtë të pronës në Vodno, ai mohon ndonjëherë të ketë blerë truall.
“Opozita përdorte materiale të krijuara e të fituara në mënyrë të paligjshme për të më diskredituar mua sepse me punë dhe rezultate nuk është e denjë të më mposht mua dhe partinë time. Shumë nga këto materiale janë krijuar nga periudha të ndryshme për gjëra të ndryshme, të nxjerra nga konteksti i bisedave telefonike dhe të vendosura në një kontekst për t’i bindur njerëzit që kam punuar diçka të paligjshme ose jo të drejtë. Kjo ishte një lojë e madhe e pista, që shumica e njerëzve e sheh” – tha Gruevski në një intervistë për “24 Pres”.
