Policia do të përdorë plumbat e gomës kundër protestuesve të dhunshëm sipas modelit të kolegëve të tyre evropian. Kryeministri Nikolla Gruevski siguron se ndryshimet, të cilat do t’i lejojnë policisë edhe me ligj që të përdorë më shumë armë për t’u përballur me shkeljet e rënda të rendit dhe qetësisë publike, janë të harmonizuara me BE-në, bëri të ditur “Alsat-M”.
“Lidhur me detajet për këtë ligj, unë ju drejtoj në Ministrinë e Punëve të Brendshme. Por, ajo që mund të konfirmoj është se gjithçka që parashikohet në këtë ligj, është e harmonizuar me praktikat e BE-së. Asgjë nuk është jashtë praktikave dhe ligjeve përkatëse në BE”, deklaroi Nikolla Gruevski, kryeministër.
