Lideri i VMRO DPMNE-së Nikolla Gruevski sot i bëri thirrje organeve gjyqësore që mos të bien pre e presioneve dhe të vazhdojnë të punojnë në bazë të ligjeve.
“VMRO DPMNE inkurajon organet e gjyqësorit që mos të bien pre e kurrfarë presioneve, të punojnë sipas ligjit dhe të mos lejojnë të futen në fushata politike” tha Gruevski në promovimin e projekteve për të rinj.
Deklarata e tillë vjen pasi Gjykata themelore Shkupi 1 sot hodhi poshtë kërkesën e PSP të përcaktoj masë arresti tetë personave për mashtrime zgjedhore në suazat e aksionit “Titanik”.
