Ish kryeministri i R. së Maqedonisë, Nikolla Gruevski edhe pse i është konstatuar dorëheqja nga ana e kryetarit të Kuvendit, Trajko Veljanovski, në internet edhe më tej “është kryeministër”.
Gruevski edhe më tej figuron si kryeministër thuajse në të gjitha faqet zyrtare të internetit si dhe në faqen zyrtare të Qeverisë, edhe pse ai tani është vetëm lider i VMRO DPMNE-së ndërsa kryeministri i Qeverisë është Emil Dimitriev.
Në profilin zyrtar të Gruevskit në Facebook thuhet: Kryeministër i R. së Maqedonisë dhe lider i VMRO DPMNE-së ndërsa në informacionin e punës thuhet se është kryeministër nga gushti i vitit 2006 dhe se ende e kryen këtë funksion.
E njëjta për Gruevskin shkruan edhe në profilin në Twitter.
Në faqen zyrtare të qeverisë së R. së Maqedonisë, në kategorinë kryetari i qeverisë qëndron “Nikolla Gruevski” edhe pse prej dje zyrtarisht kryeministër është Emil Dimitriev.
Edhe në faqen zyrtare të VMRO DPMNE-së shkruan se Nikolla Gruevski edhe më tej është kryeministër i shtetit.
Vetëm Wikipedia i ka përditësuar të dhëna në kohë, kështu që në faqen e tyre për Maqedoninë qëndron se prej 18 janarit 2016 kryeministri i përkohshëm është Emil Dimitriev.
