“Duhet, patjetër dhe do të arrijmë të kemi zgjedhje korrekte, të lira dhe demokratike më 24 prill. Kjo është dëshira e shumicës së qytetarëve dhe partive më të mëdha në krye me VMRO DPMNE-në”- deklaroi sot kreu i VMRO DPMNE-së, Nikolla Gruevski në edicionin e lajmeve në “Sitel”.
“Me zgjedhjet e 24 prillit do t’i vihet fundi krizës politike që po i pengon popullit. Mendimi im është se Zoran Zaev dhe LSDM kanë politikë të gabuar për shtetin dhe partinë e tyre. Ata duan t’i bindin të gjithë se zgjedhje nuk duan për diç tjetër. Ata vitin e kaluar kërkuan zgjedhje, ne menjëherë u dakorduam. Bashkërisht firmosëm marrëveshje me faktorin e huaj. Të gjithë u pajtuam për zgjedhje më 24 prill. Nuk e kam të qartë pse thonë se kemi marrë vendim të njëanshëm për zgjedhje. Si mundet kështu kur kemi firmosur marrëveshje për datën e zgjedhjeve? Përveç kësaj, të gjitha partitë në Kuvend votuan ligj me të cilin parashihet data e zgjedhjeve” tha Gruevski.
Kreu i VMRO DPMNE-së vlerëson se ka mjaft kohë për pastrimin e listave zgjedhore, madje se ka rezervë nëse ka vullnet për punë.