Kryeministri grek Aleksis Cipras pas takimit të djeshëm në Bruksel, u drejtua drejt Strasburgut ku mbajti fjalim para Parlamentit Evropian dhe theksoi qëndrimin e vendit të tij. Ai tha se shteti i tij është bërë “laborator për masat e kursimit”.

“Plani për shpëtim në fuqi është që pesë vite. Në asnjë vend tjetër programi i kursimit nuk ka zgjatur kaq gjatë”, tha ai.

Cipras kërkoi ndryshim të qëndrueshme dhe të vazhdueshme. Propozimet e Greqisë insistojnë në krijimin e vendeve të reja të punës, uljen e papunësisë, mbështetjen e ndërmarrjeve, stimulimin e tregtisë dhe këmbimeve si dhe kthimin e rritjes ekonomike.

“Duam të luftojmë me oligarkinë dhe kartelet, me evazionin fiskal dhe korrupsionin, ta modernizojnë vendin. Këto janë prioritetet tona dhe presim partnerët tanë t’i mbështetin- shtoi Cipras.