Audio regjistrimet me bisedat e përgjuara të cilat i publikoi lideri opozitar, Zoran Zaev aktivizuan format artistike nëpër mure, kështu që në më shumë ndërtesa nëpër Shkup mund të vërehen grafitë të inspiruara nga frazat “më të mira” që janë përdorur në”bombat” e opozitës.

Shprehja e Gordana Jankullovskës “Shu praish” që u bë i famshëm nëpër rrjetat sociale e që fitoi hashtag në Twitter, është shkruar në disa ndërtesa ndërsa të shpeshtën afër kësaj shprehje qëndrojnë edhe fjalët e Zoran Stavrevskit “Tung Gorde”. Por, megjithatë, prej grafiteve prin shprehja “Alo shef, siç quhet mes vete, sipas publikimeve të Zaevit drejtori i DSK-së, Sasho Mijallkov dhe gazetari Dragan Pavlloviq- Latas.

Përveç fraza nga bisedat e përgjuara, një ndër grafitët e rinj janë edhe figurat e Anonimus, hashtagjet “bomba” dhe “tik tak tik tak” si dhe ilustrimet e bombës.

Aq sa janë të shpejtë vizatuesit e grafiteve, po aq të shpejtë edhe ata që duan t’i mbulojnë, kështu që një pjesë e tyre janë të shkarravitura me ngjyra që mos të shihet se çfarë shkruan në to.