Gjykata penale ua pezulloi arrestin shtëpiak anëtarëve të së Majtës, Zdravko Saveski dhe Vlladimir Kunovski, të cilët janë akuzuar se kanë marrë pjesë në demolimin e Zyrës popullore të Presidentit Gjorge Ivanov në protestat kundër faljes së 13 prillit.
Kunovski, i cili nga gjykata doli dukshëm i shqetësuar, në emër të së Majtës iu falënderua, siç e quajti, “partisë në falimentim VMRO-DPMNE”, për shkak se u kanë bërë marketing të madh. Ai “falënderoi” edhe Prokurorinë për shkak se ka dhënë “shembull tipik për arshin të dyfishtë”.
– Dua të them se është e vërtetë se në Maqedoni ka krizë të sigurisë, por vetëm për shkak se shërbimet e sigurisë shfrytëzohen për qëllime personale. Në arrestimin tim dhe të Zdravko Saveskit kishte 12 pjesëtarë të njësisë “Alfa” – tha Kunovski.
Seanca për rastin kundër Saveskit dhe Kunovskit sot u anulua për të katërtën herë meqë avokatët e palës mbrojtëse kishin vërejtje ndaj ekspertizës, e cila, sipas tyre, nuk është përgatitur në përputhje me procedurën ligjore.
