Gjykata kushtetuese të mërkurën në rend dite do të vendos vendimin për ligjin për falje prej çka varet nëse presidenti do të mund të amnistojë kryerësit e veprave keqpërdorim të zgjedhjeve. Në të njëjtën ditë BE porositi se nëse shfuqizohet ligji, kjo do t’i dëmtojë të gjitha përpjekjet për zgjidhjen e krizës politike.

Siç mund të shihet nga agjenda për seancën e ardhshme të Gjykatës kushtetuese, e publikuar në faqen e internetit të gjykatës, mes tjerash, në rend dite përmendet pika “Propozim për vendimmarje, me propozim- vendim lidhur me lëndën U.nr.19/2016” gjegjësisht nismën për vlerësimin e kushtetueshmërisë së ndryshimeve të Ligjit për abolim nga viti 2009, ku mes tjerash ndalohet falja për mashtrime zgjedhore, pedofili dhe vepra kundër njerëzimit.

Ajo që për momentin është e njohur është se gjykatësit kompetent për lëndën tashmë kanë përgatitur propozim-vendim por i njëjti nuk është i njohur për opinionin.

Procedura e këtillë e Gjykatës kushtetuese vjen të njëjtën ditë kur BE porositi se nëse përsëri lejohet falja për manipulimet zgjedhore, mund të pengohen përpjekjet për zgjidhjen e krizës politike.

Vendimi i Gjykatës kushtetuese për pranimin e nismës shkaktoi revolt në opinion si dhe protesta para godinës.

Sot ministri i drejtësisë Adnan Jashari tha se nuk ka nevojë të ndryshohet Ligji i abolimit.

““Unë mbaj qëndrimin e vitit 2009-të kur u votua ligji në Kuvend dhe edhe më tutje vlerësoj se nuk duhet të ndryshohet” tha Jashari.