Gjykata e Apelit Shkup sot në seancë publike do të shqyrtojë ankesën për arrestin shtëpiak të kryetarit të Manastirit, Vladimir Taleski, të parashtruar nga avokatët e tij, konfirmuan për “Meta” nga gjykata.
Siç informojnë prej atje, seanca është caktuar për sot në orën 14.
Shqyrtimi i lëndës për Taleskin në seancë publike, shprehjen nga Gjykata e Apelit, ka qenë me kërkesë të palës mbrojtëse të kryetarit të Manastirit, e cila e ankimoi vendimin e Gjykatës së Apelit.
Ndryshe, Këshilli penal i Gjykatës Themelore Shkupi 1, paraprakisht e pezulloi vendimin e gjykatësit në procedurën paraprake me të cilin Taleskit vetëm iu mor pasaporta dhe mori vendim që kryetarit të Manastirit t’i shqiptohet arrest shtëpiak.
Taleski arrestin shtëpiak filloi ta vuaj prej 20 qershorit, kur policia e Manastirit filloi zbatimin e vendimit të Gjykatës Penale, ndërsa ekipe të tyre bëjnë vizita të paparalajmëruara në shtëpinë e tij.
Kryetari i Manastirit është i dyshuari i parë në rastin “Transportuesi”, që e hapi Prokuroria Speciale Publike (PSP). Ai bashkë me edhe 22 personal ngarkohet për shpërdorime në transportin e nxënësve në Manastir, që kapin shumën prej 360.000 euro.
