“Gjendja aktuale në Maqedoni është shqetësuese!”, këtë përpara anëtarëve të Komisionit për politikë të jashtme të Bundestagut gjerman pasdite e ka prezantuar sekretari shtetëror në MPJ-në e Gjermanisë, Mihael Roth.
Ashtu siç thotë zëdhënësi, Torsten Fraj, anëtari i Komisionit dhe deputeti nga radhët e CDU – CSU, ka sjellë lehtësim vendimi i tërheqjes së abolimit, me çka është plotësuar njëri nga kushtet e rëndësishme për zhbllokimin e krizës politike.
“Aktualisht, nuk ka termin të ri. Por, me rëndësi është që Maqedonia shpejtë të vijë deri te zgjedhjet e reja, ndërkaq deri më atëherë të formohet Qeveri teknike e cila do të ndihmojë në krijimin e kushteve për zgjedhjen e qeverisë së re demokratike”, thotë Fraj.
Ai thotë se nuk guxon të harrohet çështja me emrin.
“Nëse Maqedonia do të shkojë drejtë rrugës së integrimeve euroatlantike, duhet që të plotësohen kushtet që kanë të bëjnë me reformat në shtet dhe me atë që ka lidhje me perspektivat evropiane. Vlerësoj se përveç zbatimit të Marrëveshjes së Përzhinos dhe reformave në shtet, është shumë me rëndësi që të hapërohet në lidhje me çështjen e emrit. Këtu, BE, dhe sigurisht edhe qeveria gjermane, kanë pjesë të përgjegjësisë së tyre”, thotë Fraj.
