Gazetarët që ndodhen para Gjykatës Shkupi 1 po e bojkotojnë seancën gjyqësore të radhës për ‘grupin e Kumanovës’. Gazetarëve nuk u janë siguruar kushte dhe hapësira të përshtatshme për ndjekjen e seancës.
Sipas gjykatës, kapacitetet e sallës ku mbahet seanca ofrojnë mundësi që vetëm katër gazetarë të ndjekin diskutimet, por një nga shkaqet përmendet edhe aspekti i sigurisë.
Në Gjykatën Themelore Shkupi 1 sot duhet të vazhdojë gjykimi i 29 anëtarëve të ‘Grupit të Kumanovës’
Në seancën e sotme do të japin deklaratat e tyre dëshmitarët e caktuar nga Prokuroria publike, por edhe persona të tjerë.
Në dy seancat e kaluara të akuzuarit kanë hedhur poshtë aktakuzën e ngritur duke theksuar se nuk kanë të bëjnë me terrorizëm.