“Qeveri kalimtare ose regjime hibride” edhe më tej është grupi në të cilin qëndron Maqedonia në raportin e fundit të “Freedom House” me titull “Shtete në tranzicion”.
Maqedonia u degradua në këtë nivel në raportin e mëparshëm të “Freedom House”. Në raportin më të ri thuhet se Maqedonia vazhdon të shënoj rënie në veçanti në kategoritë: proces zgjedhor dhe shoqëri civile. Prej shtatë vendeve të Ballkanit, katër kanë shënuar rënie kryesisht për shkak të gjendjes nëpër mediume dhe gjyqësorë. Përveç Maqedonisë në këtë kategori janë edhe Bosnja, Serbia dhe Mali i Ri. Reformat qeveritare dhe hapat për luftë kundër korrupsionit i sollën avancim Shqipërisë.
