Deputetët e Parlamentit Evropian sot me shumicë të plotë votash mbështetën planin për pranim të obligueshëm të refugjatëve, që dje e prezantoi kryetari i KE-së, Zhan Klod Junker.
Për mbështetjen revolucionare të planit të Junker kanë votuar 432 deputet, 142 ishin kundër ndërsa 57 abstenime.
Deputetët duan që përfaqësuesja e lartë e BE-së për siguri dhe politikë të jashtme, Federika Mogerini sa më shpejtë të mbledh konferencë ndërkombëtare për krizën e refugjatëve dhe që sa më shumë shtete të përfshihen për të gjetur zgjidhje.
Plani i Junker parasheh shpërndarjen e rreth 160 mijë refugjatëve që për momentin gjenden në territorin e Greqisë, Italisë dhe Hungarisë, në anëtarë tjerë të BE, me qëllim që ngarkesa të ndahet proporcionalisht.
Çdo shtet- anëtarë ka kuotë të barabartë të refugjatëve që duhet t’i pranoj, që është llogaritur në bazë të madhësisë, popullsisë, gjendjes ekonomike dhe numrin e refugjatëve të pranuar deri më tani në vendin nikoqir.