Të revoltuar nga vendosja e gardhit me tela në kufirin me Greqinë, një grup emigrantësh të cilëve nuk iu lejohet hyrja në vend kanë filluar të hedhin gurë ndaj armatës që punon në vendosjen e shtyllave të betonit dhe gardhit, shkruan televizioni “Telma”.

Sipas “Telma”, menjëherë ka reaguar policia, ku ajo është përleshur me një grup prej rreth 100 emigrantësh.

Sipas të dhënave jozyrtare, sipas televizionit në incident janë lënduar katër polic.

Në kufirin me Greqinë prezent ka qenë edhe ministri i mbrojtjes Zoran Jolevski, i cili është dashur të merr pjesë në vendosjen e gardhit me tela.