Rreth 180 persona nga të paktën 20 celula, që pritet të aktivizohen në të ardhmen, përgatiten për të kryer sulme në Francë, Gjermani, Belgjikë dhe Holandë, lajmëron rrjeti amerikan televiziv “CNN”, duke u referuar në burime perëndimore të inteligjencës.
Agjencitë e inteligjencës së BE-së dhe shërbimet sekrete nga Lindja e Mesme kanë zbuluar se ekziston “rrezik” për sulm në Belgjikë, por edhe në Holandë. Paralajmërimi i këtillë vjen pas sulmeve të javës së kaluar në Paris ku jetën humbën 17 persona dhe pas bastisjes së mbrëmshme në Belgjik, ku u vranë dy persona të dyshuar, një person është lënduar ndërsa 13 janë në arrest. Mediumet belge njoftojmë sot se aksioni është ndërmarrë disa orë para sulmeve të planifikuara në Belgjikë.
Shërbimet evropiane të sigurimit javët e kaluar kanë pasur indikacione se grupi ekstremist “ShI” u ka dhënë urdhra anëtarëve të saj në Evropë që të fillojnë sulme në vendet e tyre, njofton CNN
Shërbimet e sigurisë gjithashtu njoftojmë se më shumë vende evropiane inspektojnë të kthyerit nga luftërat në Siri dhe Irak, të cilët kinse po planifikojnë sulme tjera.
Franca, Gjermania dhe Belgjika në 24 orët e kaluar ndërmorën disa aksione në disa qytete ku arrestuan 25 të dyshuar dhe mbështetës të grupeve ekstremiste. Qëllimi i operacioneve është që të shkatërrohen qelitë terroriste, por edhe rrjeti logjistik.
