Ndryshimet dhe plotësimet e Ligjit për pasaporta të shtetasve të Republikës së Maqedonisë, sot u dhanë në lexim të mëtejshëm nga Komisioni amë për sistem politik dhe marrëdhënie midis bashkësive. BDI-ja kërkon që ligji të tërhiqet dhe njësoj si për ndryshimet e ligjit për letërnjoftim dhe lejëqëndrim votoi kundër.
Me ndryshimet dhe plotësimet e Ligjit për pasaporta të shtetasve të Republikës së Maqedonisë parashikohet, midis të tjerave, si edhe në ndryshimet e Ligjit për të dhëna personale, pasaportat të jepen jashtë mjediseve zyrtare të MPB-së. Ministrja e Punëve të Brendshme duhet që të sjellë vendim për çmimin e shërbimit për prashtrimin e kërkesës për lëshimin, përpunimin dhe marrjen e pasaportës jashtë mjediseve të MPB-së. Gjatë zbatimit praktik të ligjit janë konfirmuar nevoja për mundësimin e qytetarëve që kërkesën ta parashtrojnë në njësinë kompetente të MPB-së, sipas vendit të qëndrimit të qytetarëve.
“Kemi dallime të mëdha konceptuale. Ky ligj i përmban të njëjtat nene si dhe ligjet për letërnjoftim dhe për lejëqëndrim. Nuk ka nevojë në këtë moment për një propozim-ligj të tillë i cili krijon parakusht për keqpërdorim. Nuk kontribuojmë që qytetarët të kthejnë besimin në institucione”, deklaroi Aliti.
Për ndryshimet në Ligj nuk votoi as Roza Topuzovska Karevska, e cila konsideron se ligji duhet që të ketë ndryshime ose të tërhiqet.
