fbpx

Dimitriev për Ramën: Po ndizni zjarrin e nacionalizmit në mënyrë jokorrekte

-

Përzierja e vazhdueshme në çështjet e brendshme të R. së Maqedonisë i bën dëm të madh marrëdhënieve të mira fqinjësore dhe është në kundërshtim me vlerat evropiane, i është përgjigjur në Facebook kryeministri teknik Emil Dimitriev kryeministrit shqiptar, Edi Rama.

“Përzierja nuk i ndihmon Shqipërisë ku qytetarët presin prej jush të punoni lidhur me dobësitë në sundim dhe ekonomi, por nuk i ndihmon as Maqedonisë ku qytetarët duan vend sovran dhe të pavarur në kufijtë ekzistues. Këta qytetarë paguajnë çmimin e ambicieve tuaja për ridefinimin e Maqedonisë, në vend që të reformoni Shqipërinë në kufijtë ekzistues. Nuk i ndihmon as partive të Maqedonisë ndaj të cilave silleni në mënyrë patronazhi dhe nënçmuese. Jam i bindur se edhe pa përzierjen tuaj do të gjejmë zgjidhje për sfidat tona. Për fund, është shumë jokorrekte që të ndizni zjarrin e nacionalizmit”, ka thënë Dimitriev.

Kryeministri teknik i emëruar sipas Marrëveshjes së Përzhinës, thotë se gjuha shqipe është e përfaqësuar gjerësisht në Maqedoni dhe se shteti angazhon resurse të mëdha për promovimin e gjuhës dhe kulturës së komuniteteve.

Dimitriev shton se qytetarët e Maqedonisë, pa marrë parasysh përkatësinë e tyre etnik dhe fetare, vet kanë tejkaluar shumë kriza gjatë historisë dhe se do ta kalojnë edhe këtë.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.