Kryeministri teknik për organizimin e zgjedhjeve, Emil Dimitriev sot është takuar me anëtarët e KSHZ-së, në të cilin morën pjesën edhe anëtarë të Qeverisë.
Kryetari i Komisionit, Aleksandar Çiçakovski ka njoftuar se çdo gjë është gati për mbajtjen e zgjedhjeve dhe se të gjitha aktivitetet e nevojshme janë realizuar në përputhje me dinamikën e paraparë.
“Duke informuar se lista zgjedhore është firmosur dhe kontrolluar nga njësitë rajonale të KSHZ-së, theksoi se për momentin kryhet paketimi dhe kontrollimi i materialit të shtypur zgjedhor dhe realizohen aktivitetet tjera të KSHZ-së që janë në drejtim të organizimit të ditës së zgjedhjeve” thuhet në njoftimin e Qeverisë.
Në takim është konstatuar se janë krijuar të gjitha kushtet për zbatimin e zgjedhjeve korrekte, demokratike dhe të besueshme.