fbpx

DAP dhe MPB me urdhër nga Prokuroria Publike kontrollojnë OJQ-të për paratë e USAID-it

-

Në më shumë se 20 organizata civile ende prezent janë inspektorët e Drejtorisë së të Ardhurave Publike, ndërsa shqetëson fakti që në javën e fundit, 13 organizata janë financiar nga policia financiare dhe pjesëtarët e MPB-së me kërkesë nga Prokuroria Publike, deklaroi sot drejtorja ekzekutive e Fondacionit “Shoqëri e Hapur”, Fani Karanfilova- Panovska, pas promovimit të projektit “Aleanca qytetarëve për transparencë- vëzhgim të procesit të reformave në administratën publike nga ana e OJQ-ve”.

“Ashtu siç i udhëheqin procedurat dhe numrin, tregon se kërkojnë çdo gjë dhe nuk dinë çfarë kërkojnë. Sidomos në tre ditët e fundit nga organizatat që janë vizituar merren dokumente për pagesat dhe derdhjet e parave nga USAID”, tha Panovska duke shtuar se kontrollohen vetëm financat që u janë dhënë OJQ-ve, por jo edhe mjetet e dhuruara në institucionet e shtetit”.

Ajo më tej thotë se sipas mënyrës si po zhvillohen punët dhe sipas intensitetit, instrumentet që përdoren dhe synimi drejt të cilit shkojnë, është që të krijojnë rast për shpërdorimin e të hollave. Ajo shtoi se nëse situata zgjat më tej dhe kriza politike nuk zgjidhet, OJQ-të mund të bëhen dëm serioz kolateral, edhe pse gjatë tërë kohës kanë punuar në interes të qytetarëve.

Në pyetjen nëse presin qeveria e re t’i mbrojë OJQ-të, Karanfilova- Panovska theksoi se për momentin nuk ka qeveri ndërsa kemi institucionet të udhëhequra nga përfaqësues jolegjitim.

“Nëse kriza politike nuk zgjidhet, kjo është keqpërdorim nga ana e institucioneve në moment kur në Maqedoni nuk dihet kush han e kush pinë. Nuk dihet a kemi ndonjë përfaqësues legjitim në ndonjë nivel të pushtetit. Përfaqësuesi i vetëm legjitim, formalisht është presidentit Gjorgje Ivanov, i cili me dy vendimet e fundit u delegjetimua tërësisht në sytë e qytetarëve”, tha Panovska.

Drejtori ekzekutiv i “Eurotink”, Bojan Mariçiq theksoi se ende nuk dinë pse ndodh kontrollet dhe çfarë kërkojnë organet e pushtetit.

“Presim të formohet qeveria e re që të ndalojë ky presion institucionale- politik që u paralajmërua me vendimin e VMRO DPMNE-së”, tha Mariçiq.

Ai tha se organizata e tij është bërë cak i kontrolleve pas pjesëmarrjes së fundit në emisionin “Top Tema” ku siç thotë, është zhvilluar debat i ashpër dhe ku dy mysafirë janë larguar nga emisioni.

“Urdhri për kontroll të USAID është me datë 7 mars, një ditë pas emisionit. Konkluzionet bëni vet, s’mund të them që ka lidhshmëri, por shumë rastësi ka në këtë periudhë që të themi se është rastësi”, tha Mariçiq.

Paraprakisht, euro- ambasadori Samuel Zhbogar tha se institucionet, që duhet të jenë të pavarura, kohëve të fundit godasin sektorin civil dhe se informacionet e grumbulluara arrijnë deri në opinion, duke i shkelur ligjet dhe të drejtat elementare të njeriut.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.