Në periudhën prej 5 deri 8 dhjetor, organizata civile “Civil” ka pranuar më shumë se 600 thirrje nga qytetarë që kanë qenë të brengosur nëse do të kenë mundësi të shfrytëzojnë të drejtën e tyre për votë të dielën në zgjedhjet e parakohshme të 11 dhjetorit.
“Civil” sot më ora 13 do të mbaj konferencë shtypi para KSHZ-së, pas të cilës, përfaqësuesit e tyre do t’u dorëzojnë dokumente shërbimeve të KSHZ-së, me mbi 60 raste të argumentuara dhe të sqaruara.
“Presionet ndaj votuesve vazhdojnë, për çka pranë “Civil” janë dërguar më shumë se 100 denoncime nga të gjitha zonat e Maqedonisë, nga fillimi i javës së dytë të fushatës parazgjedhore. Gjithsej, më shumë se 170 raste të presioneve, kërcënimeve, keqpërdorimeve dhe kategori tjera të parregullsive, kanë arritur në “Civil” nga 21 nëntori e deri më 8 dhjetor, duke mos i numëruar denoncimet lidhur me listën zgjedhore” thuhet në njoftimin e tyre.
