Vendvotimet janë hapur në kohë, votimi po zhvillohet pa pengesa dhe për momentin nuk ka informata për parregullsi më të mëdha, informoi në konferencë për shtyp, kryetari i Komisionit shtetëror zgjedhor, Aleksandar Çiçakovski.
Rreth jehonës së votuesve nëpër njësi zgjedhore, deri në ora 10, është diku rreth 11%. Në nivel të shtetit dalja është 9.49%.
Dalja në njësinë zgjedhore 1 është 11.5%, në njësinë 2 është 9.70%, në njësinë 3, 11.36%, në njësinë 4, 11.29%, në njësinë 5 është 9.05% dhe në njësinë numër 6 dalja është 5.10%, njoftoi Çiçakovski.
Sa i takon denoncimeve të qytetarëve për shkeljen e të drejtës së votës që gjatë mëngjesit kanë arritur në KSHZ, Çiçakovski theksoi se “këto ankesa do të përpunohen në afat prej katër orëve dhe do të vendoset për to”, për çka do të njoftohet edhe opinioni.
Të dhënat nga votimi në diasporë ende po përpunohen dhe do të njoftohen gjatë ditës. Të dhënat për votimin e të burgosurve, të sëmurëve dhe të zhvendosurve, do të njoftohen pas orës 19:00.
Konferenca e radhës në KSHZ është caktuar në orën 14:00.
