Këshilltarët e partisë në pushtet në Këshillin e seancës së sotme të Manastirit kanë kërkuar të hiqet nga salla kamera“A1on”, kurse nga portali të konfirmojnë se a është kamera e tyre, pohojnë këshilltarët. Këshilltari i VMRO- DPMNE-së, i cili gjithashtu është zëdhënës i degës së partisë, Blagoja Shaklevski, pasi ka filluar seanca dhe diskutimi i pikës së parë nga rendi i ditës, ka kërkuar të pastrohet me dilemën “ e kujt është kamera e A1on”, me arsyetimin se materiali i xhiruar nuk shkon në internet faqen e portalit, por në kanalin partiak të LSDM-së në Jutjub”.
Pas kësaj këshilltarët kanë ndërprerë seancën dhe kanë pasur koordinim të gjatë. Këshilltari i PLD-së, Valentin Gruevski, thotë se pushteti në Manastir ka kërkuar që mediumet të braktisin seancën, një presedan i paparë sepse seancat janë publike dhe të garantuara me statutin e Këshillit.
Ky është presion i paparë i pushtetit që të mbyll seancën për publikun dhe njëherë mediumet të veçohen pro dhe kundër pushtetit. Sipas statutit të komunës, seancat janë të hapura për publikun, vetëm atëherë nëse për mbylljen e seancave votojnë dy të tretat e këshilltarëve – thotë Gruevski.
Këshilli i VMRO- DPMNE-së, Shaklevski, nga ana tjetër shpjegon se duhet të dihet për kë kamera xhiron, sepse materialet e incizuara janë abuzuar në “Jutub”,kur në shënjestër ishte kryetarja e Këshillit, Silvana Angelevska.
Nuk kërkova të hiqet kamera, por kërkova koordinimi dhe të pastrohet puna për atë se e kujt është kamera. Sepse materiali i xhiruar shkon në faqen partiake të LSDM-së dhe të kanalit të rremë të”Jutjubit”, kinse Këshilli i komunës. Ndërkaq, edhe për ne seancat janë të hapura për publikun- tha Shkalevski.
Pas disa orëve koordinim, seanca e Këshillit vazhdoi, pro siç thotë Shklevski, nga kameramani është kërkuar të legjitimohet.
A.B.
